تفضل اشرب استكان جاي عراقي ابو الهيل و سولف و يانا

[karemshaya]

.

الي يحب يشرب استكان جاي عراقي ابو الهيل يتفظل هنا
شرط يصفي النيه ويكعد ويانه وحجايه منه وحجايه منك وتصير سوالف كرمليسيه
كل واحد زعلان من ثاني يجي هنا يشرب استكان جاي
و انسى الخلافات وخلي النيه صافيه

هسه نسمعكم اغاني حلوه ونشرب الجاي سويه و هم نسولف نكات

[youtube:2j6hcgs6]<object width="480" height="385"><param name="movie" value="http://www.youtube.com/v/cMTTBuIZGK4&amp;hl=en_US&amp;fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/cMTTBuIZGK4&amp;hl=en_US&amp;fs=1" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>[/youtube:2j6hcgs6]

كردي قاعد يباوع على التلفزيون ويضحك ..
سألوه ليش ..؟
قال : صدك هذا رهيب اذا اغمض عيوني يصير راديو !!!


واحد محشش خابر وزارة الدفاع
ابو البداله رفعوا السماعة وكالو هنا الدفاع تفضلو
المحشش كاللهم رجاءا اريد احجي ويه الكولجي



[youtube:2j6hcgs6]<object width="480" height="385"><param name="movie" value="http://www.youtube.com/v/zRUd82zVRko&amp;hl=en_US&amp;fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/zRUd82zVRko&amp;hl=en_US&amp;fs=1" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>[/youtube:2j6hcgs6]



لاتتاخرون طره الجاى راح يبرد



.

 

 

[أبن أم النبعين]

سـُــوده عباتي

و سـُــوده عـَليـّه إذا حتى جاملكم أحد لا الجاي يفيد ولا الكَهوه ولا حتى الويسكي يصحي النائم إي ّ والله بروح جدي الماشايف ولا جد منهم .. لا يفيد جد ولا هزل بمن في غيبوبـه .

أعتقد جايك راح يبرد ويصير " أيـس تي " جامد ولا يزحزح الرَبـع لا وعلي أحلفك سـبع مرات وعلي .. ولنرى التحدي من الصادق .

 

 

[ساهر ايشوع ال قطا]

.
اعزائي هاي و ينكم
مو الاخ كرمشايا كاعد وحده و ينتظر

خلي اسئلكم و ندردش شويه وياكم
بلكي تتحركون و تشاركونا في السوالف و النكات
هناك بعض الكرمليسين معروفين بغير اسمائهم الحقيقيه. هل تعرف من هم ؟

اعطي مثال الدكتور اسماعيل المامو المحترم اسمه الحقيقي غانم
من منكم يعرف كرمليسين اخرين معروفين بغيراسمائهم الحقيقيه ؟

عزيزي دكتور اسماعيل
اني هسه ده اتحارش بك بلكي دجاوبني و تسولف ويانا ,
اني كاعد هنا ويه الاخ كرمشايا .
.

 

 

[اسماعيل المامو]

ّعزيزي ابو آلن

العلّة بالمعلول وليست في غيره . الصُدك كلبي خلصان .
لستَ بحاجة الى حرشة تحّركني بها، فانا معكم ودائم التصفح لما يُنشر ، ولي مشاعر صغير، رغم كبر سني ، يُطغي عليها االبراءة والنيات الطيبة . وها انا مشارككم إستكان الشاي . تحياتي لك وللجميع .

كان لأمي يرحمها الله رغبة في تسميتي غانم ، لكن أبي يرحمه الله أصرّ
على تسميتي اسماعيل في المعمودية كما في السجلات المدنية الحكومية .

 

 

[ساهر ايشوع ال قطا]

.
عزيزي دكتور اسماعيل
انت رجل مؤمن و طيب القلب و تستاهل كل الخير
ان شاءالله قلبك سالم ارجو التحلي بالصبر وراء كل ضيق فرج

هسه اجى دور عديلي الاخ رمزي ابو ريمي
خلي نجيبه ويانا هنا ونشرب استكان جاي سويه

يقولون ان الاخت العزيزه الورده انتصار ام ريمي اسمهاها الحقيقي خيريه
نريد انشوف شنو سالفة هذا الاسم خيريه

القائمه طويله يمي راح نجيبكم واحد واحد , نشربكم استكان جاي عراقي وعلى حساب الاخ كرمشايا
.

 

 

[bassam]

اخوتي الأعزاء الكبار منكم والصغار:

لست من المولعين بشرب الشاي لكني ساشارككم سوالف الشاي.
السالفة وما بيها البعض يشوفوني انتقد كل شي وما عاجبني بالدنيا شي، ربما تكون هذي بعض الحقيقة لكن ليس من باب التجريح والتقليل من شأن الآخرين لكن من باب الحرص على سمعة الموقع، ومستواه الذي نطمح اليه، تصدر عن البعض أخطاء املائية أو نحوية وهي غير مقصودة حتماً أو هي ضمن امكانيات الشخص الذي يود الخدمة والمشاركة مهما كانت بسيطة فهو يحب العمل ومشاركة الآخرين.
ومن جهة أخرى ينتقدنا البعض لهذه الأخطاء التي لا تجد طريقها الى التصحيح ويقول هناك نخبة خيرة من الملمين وأصحاب الباع الطويل فلماذا توجد الأخطاء؟؟
أنا شخصياً بين نارين نار السكوت ونار التدخل الذي بات لا يرضي الكثيرين.
في النهاية رفعت شعاراً مزعجاً قوامه:
"أن أكــــون ناقــــداً أفضل من أكون مجامـــلاً"
"وأن أكون حاقداً خير من أكون منافقــــاً"

بســــام آل قطولا

 

 

[abo hamsa]

أحلى تلث سوالف عندي
اول سالفة: من كنا صغار وكان الكبار المرحومين شابا بلد وياقو ترنو ويوسب اسطيفو وزيا شعيوتا وبطرس غديدايا
في ديوان المرحوم زيا شعيوتا.

ثاني سالفة: كل السوالف بالشغل من عين ترجلة الى المزارع عند تنظيف الساقية.

ثالث سالفة: كل سوالفنا بكعدات الشرب بالمزارع ويا اصدقائنا اللي سافروا واللي باقين بالوطن .

والسوالف تطول وما نكدر نحجي كلها.

تحياتي

 

 

[karemshaya]

.
عزيزي بسام
يقول دكتور اسماعيل نحن قلبنا خلصان
وكما تقول الاغنيه
راح تخلون أحلف ماأخدره الجاي ولا اكعد اكباله
و اخذ الفاس بيدي للقوري اكسره
نحن قلنا سوالف كرمليسيه و تسليه انت دخلتنا بغير باب …………ليش؟
الذي ينتقد على هذه الأخطاء ادعوه ان ياتي و ينظم الى الاداره او الاشراف و يصحح الأخطاء
اتمنى ان تكون اي اشكال النيران بعيده عنك .اما اذا تريد نكون ناقداً او حاقداً هذا الشى يعود لك.

تحياتي
.

 

 

[Sam Shaker]

الاخ ساهر تخليني اشرب شاي وياكم واشارككم بسؤالي

السيدة مسكو جمعة تعرفون اسمها هو صلحة ( جدة داني خيري )

طبعا راح تكول العمة انتصار ام ريمي شنو السالفة كلنا اسامينا مستعارة ههههههههههه

وبالنسبة للاخ بسام منصور اني وياك بردِك لان الاخطاء الاملائية التي تكثر في المنتديات تجعل القاريء يأخذ نظرة ليست بجيدة على الموقع


سام شاكر

 

 

[shawkat yakob]

تسمحولي شباب اشرب جاي وياكم ,,بلا زحمه فد كيلوين شكر للخال العزيز
الاخ بسام والاخ باسيل ليس من باب الحرشه لكن اريد اعرف شنو سبب تسمية بال قطولا لابد ان وراء هذه التسميه قصه ممتعه
تحيه كبيره للكرمشايه جميعا

 

 

[ساهر ايشوع ال قطا]

.
عزيزي سام شاكر

السيده مسكو جمعه (صلحه) الله ينطيها الصحه و العمر الطويل التي هي عمة زوجتي وعمة الاخ العزيز ابو نينف
عندها خمس بنات الله يخليهن, كل وحده تسمى بغير اسمها الحقيقي

بيبي- اسمها الحقيقي فرجين
نونو- اسمها الحقيقي جاكلين
جوزه- اسمها الحقيقي جوزفين
ماجدولين- اسمها الحقيقي ذكريات

اما افلين فقد احتفظت باسمها الحقيقي ....... ربك ستر .....لهذا السبب تقدم الاخ سليمان و تزوجها

.

 

 

[Sam Shaker]

ههههههههههه

الله ينطيهم الصحة والعافية حلوة .. زين هل اتعرفون عمي نصيحله بسو اسمه حبيب يونس حنا واكو هواية بس مدا اتذكرهم

 

 

[bassam]

عزيزي كرمشايا ناسف للسالفة لكني قرات لمن تخاصم ينسى خصامه فانتهزتها فرصة اوضح فيها موقفي وهي سالفة على اية حال.

عزيزي شوكت عن تسمية "آل قطولا" جاءت منسوبة الى منصور جد أبي "منصور حناني منصور" والذي كانت مهنته صيد الأرانب والغزلان ببندقية الصيد وبمعاونة كلاب الصيد خاصته.
ومن هنا جاءت تسمية قطولا " من الصيد" ويذكر انه كان قوي البنية شجاع وبالمناسبة فانه قد كسب "طغار أرض ما يساوي أربعة فدادين" من صارلي بعد جولة مصارعة انتصر فيها وكسب الرهان قطعة الأرض تلك وهي لا زالت الى اليوم ملكاً صرفاً نزرعها تقع على طريق برطلة.

أما جدي حناني فكانت له واقعة مشابهة للشجاعة رغم انه كان قصير القامة:
كان في يوم من الأيام يقوم بدرس محصول الحنطة بالجرجر وكان له حمار اسود مربوط الى "الخوانا" عندما مر موكب عرس شبكي من عاداتهم أن يحملوا بيارقاً في مقدمة موكبهم فما كان منه الاً أن حل حماره ذلك وامتطاه وسرق البيرق من مقدمة الموكب وفرً به ولم يلحقوه

 

 

[ساهر ايشوع ال قطا]

.
عيني كرمشايا…. اخونا العزيزي بسام الورد …..جاء مره ثانيه

سوي قوري جاي جديد و اذا خلص الجاي عندك راح نصيح ابو ناديه
و نقول له يجيب وياه سكر و جاي من النادي الاجتماعي يكلون عدهم فلوس هوايه مانعرف شنو السر؟

اهلا وسهلا بالاخوان
دكتور اسماعيل ,ابو همسه , بسام, ابو نينف, سام شاكر

نريد اللمه الكرمليسيه الحلوه و السوالف الطيبه
.

 

 

[bassam]

طبعاً الكل يعرف العم المرحوم صليوة سليمان الشابي وضيق خلقه
ويا ويل المرة اللي تجيب قطعة قماش وتكول اريد مثل هذا اللون خيط يا ويلها.

وفي موقف لا ينسى كان العم عزيز الشابي يقف في الدكان الحالي وكان العم صليوة في المخزن الذي هو جزء من دار الراهبات، قدم اليه أحد الشباب ووشوشه في اذنه وقال له انه يريد ملابس داخلية فما كان من العم صليوة الاً ان صاح بصوتٍ عالٍ :"أووووو عزّو لا كماثت خا زوئا دشرواله تا فلان" ولاذ أخونا بالفرار بعد أن افتضح امره.

ولو كنت مكانه لفعلت الشيء ذاته.